BUTUAN CITY – Naglusad og relief operations ang probinsyal nga panggamhanan sa Agusan del Sur alang ngadto sa Dinagat Islands ug Surigao del Norte provinces kansa maoy nagrabehan sa pagkuso-kuso sa bagyong Odette.
Sa eksklusibong pakighinabi sa Bombo Radyo Butuan, nagpasalamat ni Governor Santiago ‘Santi’ Cane nga wala magbilin og dakong damyos sa ilang lalawigan ang bagyo gawas lamang niadtong mga nakalas human natabunan sa midahiling yuta ug sa nalumos.
Nagpapasar og resolusyon ang Sangguniang Panlalawigan nga naghatag kaniya og kagahom aron tabangan ang ubang mga lalawigan ning rehiyon sa Caraga apil na ang lalawigan sa Bohol, Southern Leyte ug Cebu.
Ning mi-aging semana nahatdan na og mga relief goods ang taga-Surigao del Norte samtang karong adlawa pa ang alang sa Dinagat Islands tungod sa kapuno sa mga barkong mukarga og mga ayuda alang sa nasangpit nga isla.
Sunod semana, adto na usab sila sa mga lalawigan sa Visayas nga gikuso-kuso usab sa bagyo.
Gawas sa bagyo, nagpahimangno usab ang gobernador ngadto sa tanan nga mag-amping sa kanunay ilabina nga nag-anam anam na usab og saka ang mga kaso sa COVID-19 tungod sa Omicron variant.
