BUTUAN CITY – Mi-abot na sa 15,000 ka mga tawo ang gidakop sa kapulisan sa France tungod sa nagkalapad nga mga protesta sa maong nasud sa milabay nga mga semana.
Ang mga protesta nag-ugat sa panawagan sa mga Pranses alang sa mga reporma tungod sa padayong pagsaka sa presyo sa mga palaliton ug ilang pagkadismaya sa kahimtang sa sektor sa edukasyon sa nasud.
Sumala ni Justice Minister Gerald Darmanin, mikabat na sa 7,184 ka mga tawo ang gidakop sa kapulisan atol sa mga protesta batok sa inflation ug sa isyu sa suholan sukad niadtong Oktubre 17.
Gawas pa kini sa kapin usab sa 8,000 ka mga tawo ang gidakop tungod sa ilang pag-apil sa mga protesta nga nanawagan alang sa reporma sa sistema sa edukasyon.
Base sa datos, 2,661 sa kinatibuk-ang gidakop, mga menor de edad, diin lima kanila ang nagpabiling anaa sa kustodiya sa kapulisan.












