-- ADVERTISEMENT --

BUTUAN CITY- Mingsentro sa food and security ang diskusyon sa ASEAN Plus Three Summit kaganihang buntag nga gipangunahan ni President Ferdinand Marcos Jr. kauban ang tulo ka nasud ang Japan, Republic of Korea ug ang Republic of China.

Sa opening statement ni President Marcos Jr. gibutyag niini nga posible matud pang makamugna og epekto ang crisis sa tibuok Sidlakan ug sa Habagatan-Sidlakang Asia nga makita sa pagsipa sa presyo sa bugas, pagmahal sa enerhiya o ang pagkawala sa kita sa usa ka adlaw.

Pinaagi matud pa sa panaghi-usa masiguro ang siguridad sa katawhan ug masiguro ang dakong kompyansa sa umalabot. Gihatagan usab og gibug-aton sa Presidente, nga dako ang mabuhat sa ASEAN Plus Three ingon man ang kooperasyon sa mga nasud nga sakop ASEAN aron uban nga matubag ang nasangpit nga mga isyu.

Ang angay matud pa nga masiguro sigon sa Presidente, mao ang masiguro nga mapadayon ang supply sa pagkaon ug enerhiya. Gi-insistar usab niini, ang panginahanglan nga kalig-on sa supply sa pagkaon, maritime trade and logistics ingon man ang mga mechanismong pinansyal.

Dungan niini, gi-awhag ni President Marcos Jr. ang mga lider nga siguraduhong masinati sa ilang mga katawhan ang konkretong benepisyo sa dul-an 30 ka tuig nga kooperasyon sa ASEAN Plus Three.

-- ADVERTISEMENT --

Gisiguro usab sa Japanese Prime Minister Sanae Takaichi ang suporta sa ASEAN ug andam usab matud pa ang Japan nga makigtimbayayong sa hisgutanang siguridad sa pagkaon, siguridad ug tabang-pinansyal, pagtubag sa mga kalamidad ug ang pakigbatok sa mga organize crew.

Samtang gihatagan usab og ginbug-aton ni Republic of Korea President Lee Jae Myung, nga padayong mohimo og importanteng papel ang South Korea sa pagpakusog sa kooperasyon. Tungod niini nanawagan ang South Korean Leader og mas gipakusgang kooperasyon pinaagi sa mga nasud nga ASEAN Plus Three taliwa sa minggrabe nga World Crisis, sa politika ug ekonomiya.

Nanawagan usab si Chinese Minister of Agriculture and Rural Affair Zhang Zhu, sa panaghi-usa ug pagtinabangay sa mga nasud sa ASEAN Plus Three taliwa sa geopolitical tension ug hagit sa pangekonomiya sa kalibotan.