BUTUAN CITY – Gikonsiderang positibong lakang sa Samahang Industriya ng Agrikultura kon SINAG ang pgpatuman sa Department of Agriculture sa 60-ka adlaw nga importation ban alang sa karneng baboy tungod kay siguradong makuha-kuhaan ang pagka-alkansi sa mga local hog raisers.
Sigon ni SINAG Executive Director Jason Cainglet, bisan og welcome development alang kanila ang maong lakang, dili pa gihapon kini igo aron matubag ang problema sa ilang industriya. Kini ilabina nga padayong ubos ang farmgate price sa baboy ilabina sa mga backyard raisers nga anaa lang sa 120 hangtud 140-pisos matag-kilo.
Kini mas ubos kumpara sa ilang production cost nga bugti sa 3-mil ngadto na sa 4-mil pisos matag-ulo sa baboy. Bisan og mitaas ug 10 hangtud sa 20-pisos ang farmgate price, nagpabilin gihapon kining ubos aron mabawi sa mga hog raisers ang ilang puhunan.
Gila-uman sa SINAG official nga makatabang ang temporaryong importation ban aron musaka ang presyo sa lokal nga karneng baboy sa farmgate level dayong pasabot nga dili otomatikong mukunhod o musaka ang presyo tungod sa maong lakang.
