BUTUAN CITY – Muabot sa 283 ka mga armas ang nakumpiska sa Caraga Region pinaagi sa gipakusgang kampanya kontra loose firearms gikan sa Oktobre 8 ngadto sa Oktobre 31 ning tuiga.
Gipresenta kagahapong adlawa ang nasangpit nga kalampusan sa Multi-Purpose Center sa Police Regional Office kon PRO- 13 sa pagpanguna ni police regional director PBGen Rolindo Suguilon.
Atol sa presentasyon sa gisurender ug narekober nga mga armas, gitaho ni PBGen Suguilon nga nakumpiska kini pinaagi sa 271 ka mga police operations bitbit ang search warrants, paglusad og police response operations, checkpoint operations, ug searches incidental to lawful arrests kansa miresulta usab sa pagka-aresto sa 7 ka indibidwal.
Sa mga narekober nga loose firearms, pinakadaghan sa Agusan del Sur Police Provincial Office nga anaa sa 62; gisundan sa Surigao del Sur-PPO – 56, Agusan del Norte PPO – 47 ug 46 usab sa Surigao del Norte PPO, Butuan City Police Office nga dunay 38, Dinagat Islands PPO nga dunay 25, og 9 usab sa Regional Mobile Force Battalion 13.
ungod niini, gipasalamatan ni Suguilon ang mga Provincial Directors, City Directors, Force Commanders, Chiefs of Police, ug mga personahe sa ground tungd sa ilang dedikasyon ug paningkamot sa pagkab-ot sa maong kalampusan.
Samtang gipadayag ni PLt Col Jennifer Ometer, tigpamaba sa Police Regional Office-13 nga ang gipresenta mao kadtong mga dili lisensiyadong armas nga nakuha pinaagi sa operasyon ug kadtong mga rehistrado apan na-expired na.
