Upat patay sa pagbusikad sa himu-anan og ilegal nga pabuto sa Malasiqui, Pangasinan

BUTUAN CITY – Upat ka mga tawo ang patay sa pagbusikad sa usa ka himu-anan og mga ilegal nga pabuto sa lungsod sa Malasiqui, Pangasinan pasado alas-siete kagabii.

Sigon ni Vice Mayor Daria Dolores Mamaril, lakip sa namatay ang usa ka siete-anyos nga bata ug duna pa’y missing.

Gawas niini, apil sa nasunog ang usa ka sakyanan nga nakaparada duol sa dapit nga nahitabuan kansa usa ka piggery nga gi-abangan ug didto ginahimo ang mga ilegal nga pabuto.

Migawas sa inisyal nga imbestigasyon nga duna pa’y milanog nga mga pagbusikad nga nasundan na dayon pag-ulbo sa kalayo apan padayon gihapon ang imbestigasyon sa mga otoridad aron masuta ang kina-uyukang hinungdan sa maong insidente.