BUTUAN CITY – Gipahibalo sa UFC fighter Conor “The Notorious” McGregor nga posibleng mahimong kataposan na niya ang sunod niyang pakigbugno sulod sa octagon.
Gibutyag kini sa sikat nga MMA fighter pinaagi sa usa ka post sa X samtang nagpadayon pa siya sa rehabilitasyon tungod sa samad ug bali sa iyang ubos nga bitiis nga iyang naangkon sa miaging panagsangka sa UFC 264 niadtong unang bahin sa 2026.
Sigon ni McGregor, mas dako matud pa ang halin sa iyang sunod ug kataposang away kung itandi sa mga panagsangka sa sikat nga boksingero nga si Canelo Alvarez.
Apan hangtod karon, wala pa magpagawas og impormasyon ang kampo sa Irish fighter kung kinsa ang ilang gikonsidera nga sunod niyang kontra higayong tugotan na siyang makabalik sa MMA.
Mahinumdomang daghang MMA fans ang nasagmuyo sa kataposang panagsangka ni McGregor batok kang Max Holloway karong tuiga, kondiin napildi siya pinaagi sa technical knockout o TKO sa unang hugna human maka-angkon og grabeng samad sa iyang wala nga tiil.
