BUTUAN CITY – Giklaro ni Partido Manggagawa spokesperson Wilson Fortaleza nga wala’y parte sa nasudnong budget nga napadulong sa kalambuan sa nasud ilabina sa mga mamumuo sa tibuok nasud bisan na kadtong gideklara sa Korte Suprema nga unconstitutional ilabina ang unprogrammed appropriations sa 2024, 2025 ug parte sa 2026 national budget kansa wala’y klarong pag-trace kung asa napadulong.
Sa eksklusibong pakighinabi ning sibyahan, gipadayag ni Fortaleza nga kung duna may gidugang nga budget alang sa mga mamumuo, wala matud pa nila kini nadawat tungod kay atua kini mipadulong sa bulsa sa mga kurakot nga opisyal sa kagamhanan ug ilang mga alipores.
Hinuon iyang giklaro nga ang nadawat lang nila mao ang mga ayuda nga gigamit sa patronage politics ug ang klarong midako, mao ang nasudnong utang kondiin ang magbago og bayad, mao kadtong umalabot pa nga mga henerasyon sa mga Filipino.
Kadaghanan matud pa sa pundo sa gobyerno, gipunduhan sa mga utang tungod sa kadako sa budget deficit tungod sa paggasto og dako nga labaw pa kaayo sa kitaon gikan sa buhis.
Daghan matud pa og nakitang insertions ang mga bag-ong tumaw karong watchdogs nga gilangkuban sa mga batan-on rason nga gikan sa mga kwestyunableng flood control projects, nasubay nila nga sa 2027 national budget, mas daghan na ang gitawag nga farm to submarine roads tungod kay base sa mga proyektong gitagana alang sa mga dalan sa mga ka-umahan, didto na kini mipadulong sa kadagatan.
