BUTUAN CITY – Gipaniguro ni Pangulong Ferdinand Marcos Jr. nga mahuman ang programa sa pag-apod-apod sa mga yutang pang-agrikultura ubos sa Agrarian Reform Program sa dili pa matapos ang iyang termino sa tuig 2028, aron masiguro nga makabaton og kaugalingong yuta ang mga mag-uuma.
Atol sa iyang pagbisita sa Jaro, Leyte, kauban si Agrarian Reform Secretary Conrado Estrella III, personal nga mitambong ang presidente sa pag-apod-apod sa 536 ka electronic land titles ngadto sa 508 ka benepisyaryo gikan sa nagkada-iyang probinsya sa Leyte ug Samar.
Sumala ni DAR-8 Director Atty. Robert Anthony Yu, ang maong mga titulo giproseso ubos sa SPLIT Project sa Department of Agrarian Reform o DAR ug naglangkob sa kinatibuk-ang 670.5 ka ektarya nga yutang pang-agrikultura.
Giklaro usab sa presidente ang kasaysayan sa maong programa nga gisugdan pa sa iyang amahan nga si kanhi Pangulong Ferdinand E. Marcos Sr. ug sa kanhing kalihim sa DAR nga si Conrado Estrella.
