-- ADVERTISEMENT --
BUTUAN CITY – Napakyas si Carlos Yulo pagsakmit sa kampeonato sa Artistic Gymnastics World Championships nga gipahigayon sa Rotterdam, sa Netherlands human nga anaa lang siya sa ikawalong puwesto sa floor exercise pinaagi sa kinatibuk-ang 13.233-puntos.
Nasayrang nasakitan si Yulo human nahulog sa ikaduhang hugna sa iyang routine nga miresulta sa 0.3 penalty sa scorecard.
Mikampyon sa kompetisyon si Frederick Richard sa Estados Unidos nga gisundan ni Jake Jarman sa United Kingdom ug Artem Dolgopyat sa Israel nga maoy anaa sa ikatulong puwesto.
Gila-umang mamawi si Yulo sa vault apparatus nga himuon unyang gabii – oras sa Pilipinas.
