BUTUAN CITY- Nakasinati og 50-point loss ang defending champion nga New York Knicks sa kamot sa Toronto Raptors sa preseason matchup sa duha kagahapong adlawa (Oct. 14), 148-98.
Wala nag-usik og oras ang Raptors ug gilayon nga nagbu-bo og 42 points sa unang quarter samtang 22 puntos lang ang nahimong natubag sa defending champion.
Nabalik pa kini sa 2nd quarter human magbubo og 44 points ang Toronto ug subling 25 points lang ang nahimo sa 2026 champion, hinungdan nga pagtapos sa 1st half, gikoptan na sa Toronto ang komportableng 29 points.
Wala na nakasabay ang Knicks sa 57.3% nga overall shooting sa Toronto tungod na limitahan lang kini sa 39.5%.
Ang impresibong pasundayag sa kampiyon sa NBA niadtong 2019 mibida usab sa depensa, diin nakatala ang team og 52 ka rebounds ug 12 ka steals.
Nahimong dakong hagit sa Knicks ang 17 turnover sa kinatibuk-ang away nga gisamantala usab sa Raptors.
Sa mga maong turnover, minghimo ang Toronto og 19 points, hangtud nga ming-abot pa sa 53 points ang largest lead sa winning team.
