BUTUAN CITY – Nakumpirma na nga adunay lung cancer si Pope Leo XIV. Sumala sa Vatican, ang bukol sa iyang tuo nga baga nakumpirmang pulmonary adenocarcinoma, usa ka matang sa lung cancer.
Nasayrang malampusong na-operahan sa mga doktor sa Agostino Gemelli Hospital sa Rome, Italy, si Pope Leo XIV kondiin gitangtang ang ubos nga bahin sa iyang tuo nga baga human nadiskobrehan ang bukol.
Wala pa gipagawas ang kompletong resulta sa mga dugang nga eksaminasyon, lakip ang kahimtang sa mga lymph nodes, busa wala pa matino kung unsa ka-lawom o unsa na ang stage sa iyang lung cancer.
Sigon sa medical update sa Vatican, nahuman ang operasyon nga walay komplikasyon ug nakamatngon usab ang Santo Papa sama sa gila-uman ug gibalik sa iyang kwarto aron mopahulay.
Gila-uman nga magpabilin sa ospital sulod sa kapin usa ka semana ang 71-anyos nga pontiff samtang nagpaayo gikan sa operasyon.
Sa pagkakaron, wala pay dugang nga detalye nga gipagawas bahin sa sunod nga lakang sa iyang pagtambal. Si Pope Leo XIV napili isip pangulo sa Simbahang Katolika niadtong Mayo 2025.
