BUTUAN CITY- Kampante ang kampo ni VP Sara Duterte sa ka-andam niini sa uban pang imbestigasyon, gawas sa kasamtangang impeachment trial sa Senado.
Sumala sa tigpamaba sa ika-duhang Presidente nga si Atty. Paolo Panelo, andam ang legal team ni VP Sara nga atubangon ang uban pang imbestigasyon na posibleng ikasa sa unsa mang investigating body batok niini .
Lakip niini ang posibilidad sa imbestigasyon nga mag-ugat sa mga isyung minggawas sa impeachment trial sama sa mga financial issues.
Sumala ni Atty. Panelo, nagpabilin ang baruganan ug posisyon ni VP Sara nga wala kini bisan unsang gihimo nga sayop sulod sa karera niini sa public service sukad niadtong nagserbisyo kini sa Davao isip local chief executive, hangtud nga nahimung Vice President sa Pilipinas.
Kahinumduang aduna nay kanhing mipasaka og pipila ka plunder ug criminal complaints batok sa bise presidente tungod sa financial issues nga matud pa gilambigitan niini. Ang una gipasaka sa Civil society leaders, church representatives, ug academics nga sakop sa plunder, bribery, malversation, ug graft.
Gisundan kini sa uban pang plunder ug criminal complaints nga gipasaka ni kanhi Sen. Antonio Trillanes IV.
