BUTUAN CITY- Gibuntog ni Canadian eating champion Mike Jack ang kaugalingon niining rekord human niini nakaon og 25 ka Carolina Reaper chili peppers sulod lang sa 3 minutos ug 3.53 segundos niadtong Agosto 30, 2026.
Ang Carolina Reaper adunay kasagarang kainit nga mokabat sa 1.6 milyon ka Scoville Heat Units o SHU, nga mas init og dako kumpara sa jalapeño.
Si Jack, nga nailhang “King of Spice,” nakakupor na og 20 ka Guinness World Records titles, lakip ang rekord sa pinakapaspas nga pagkaon og 50 ka Carolina Reaper nga iyang nahuman sulod sa 6 minutos ug 49.20 segundos niadtong 2022, ug 100 ka Carolina Reaper sulod sa 36 minutos ug 38.81 segundos niadtong 2023.
Sumala ni Jack, nagsugod ang iyang hilig sa halang nga pagkaon sa kolehiyo pinaagi sa kanunay nga paggamit og hot sauce, hangtod nga nagsugod kini sa pag-post og mga eating challenge sa YouTube ug misulay sa mga rekord sa Guinness World Records.
Gipa-ambit usab niini, nga gusto niininga sulayan ang Pepper X, kansa giila nga pinakainit nga sili sa kalibotan, ug nangandoy usab kining makabuhat pa og laing mga rekord gamit niini.
