BUTUAN CITY- Ming-atubang karung adlawa Miyerkules, Setyembre 16, 2026, si kanhi President Rodrigo Duterte sa ikatlong status conference sa kaso niining crimes against humanity sa International Criminal Court (ICC) sa The Hague, Netherlands.
Kini ang unang higayon nga nagpakita sa publiko ang 81-anyos nga kanhi lider sulod sa kapin sa usa ka tuig, sukad sa katapusang higayon nga nakita kini pinaagi sa video link niadtong Marso 2025 human kini gidakop.
Ming-atubang ang kanhi lider courtroom human giklaro ni Presiding Judge Joanna Korner sa ICC Trial Chamber III nga gilaoman sa korte ang iyang personal nga presensya human gisumite sa mga medikal nsa eksperto ang mga evaluation report niini.
Nakapukos ang gipahigayong hearing sa pagpalig-on sa mga timetable alang sa pag-atubang sa mga testigo, exchange of evidence sa duha ka kampo, ug mga kataposang pagpandam adiser ang pormal nga pagsugod sa pagtaral nga nakatakda sa Nobyembre 30, 2026.
Kasamtangang gi-atubang ni Duterte ang mga reklamo nga adunay kalabotan sa daw halapad nga pagpatay ubosa kampanya batok sa ilegal nga droga niini niadtong kini pa ang Maryor sa Davao City hangtud sa pagkapresidente niini sa nasud.
Sukad niadong kini ma-aresto niadtong mi-aging tuig base sa warrant sa korte, nagpabilin ang kanhi lider sa custody sa ICC samtang padayon nga gi-insistar sa defense panel niini ang legal ug medikal nga mga apela.
