BUTUAN CITY – Nakumpleto na sa Gilas Pilipinas ang mga magdudula nga apil sa 20th Asian Games sa Aichi-Nagoya, Japan. Sigon ni Gilas coach Tim Cone, ilang gipili si Calvin Oftana aron modula sa maong torneyo nga puli kang Justin Brownlee, nga karon nagpa-ayo pa gikan sa iyang injury.
Nasayrang nakasalmot na si Oftana sa pagbansay sa Gilas alang sa maong torneyo.
Kumpyansa si Cone nga pamilyar na si Oftana sa sistema sa duwa sa Gilas tungod kay nakauban na siya sa ubang mga duwa sa national team.
Siya usab ang bugtong miyembro sa Gilas nga nakadaog og gold medal sa 2023 Asian Games nga gipahigayon sa Hangzhou, China.
Ang mga miyembro sa Gilas Pilipinas nga apil sa Asian Games mao sila Don Trollano, RJ Abarrientos, Justine Baltazar, Justin Arana, Jerrick Ahanmisi, Robert Bolick, Sedrick Barefield, Brandon Bates, Brandon Ganuelas-Rosser, Zavier Lucero ug Adrian Nocum.
Una nga atubangon sa Gilas Pilipinas ang Bahrain sa Septembre 11.
