BUTUAN CITY- Interesado ang United Arab Emirates (UAE) ug Saudi Arabia nga magtukod og oil storage facilities sa nasud.
Sumala ni Department of Energy (DOE) Oil Industry Management Bureau Director Rino Abad, nga walay unsa mang galastuhon ang nasud.
Tungod niini, dili na mabilin ang nasud matag adunay problema sa suplay sa lana sa kalibotan.
Dugang pa ni Abad, ang sugyot nga foreign-owned hubs usa ka commercially operated apan gusto sa gobyerno og arrangement nga maghatag og prioridad o ‘reserve rights’ ugaling adunay krisis sa suplay sa lana.
Kon maaprobahan, adunay target nga 50 milyon ka bariles sa lana nga ibutang sa nahisgutang hub.
Nakigtimbayayong na ang bag-ong Philippine Strategic Petroleum Reserve team sa Saudi Arabia kalabot sa nasangpit nga plano.
