BUTUAN CITY – Malipayong gipa-ambit sa singer nga si Lea Salonga ang iyang kalipay tungod sa pagkadawat niya og kaugalingong bituon sa Hollywood Walk of Fame, ug siya ang unang Pinay nga nakadawat sa maong dungog.
Human siya maapil sa 2026 class of honorees, gilayon nga gihimo ang seremonya sa 6225 Hollywood Boulevard rason nga siya na karon ang ika-2,855 nga nakadawat og bituon sa Hollywood Walk of Fame.
Daghang mga fans ang mitambong sa unveiling sa iyang bituon, lakip na sila Ming-na Wen, Brandy, ug ang Filipino-American artists nga sila Darren Criss ug H.E.R. Sigon ni Lea, dili gihapon siya makatuo nga aduna na siyay kaugalingong bituon.
Kini tungod kay kaniadto nga 7-anyos pa siya og naglakaw-lakaw samtang nagtan-aw sa mga ngalan sa mga sikat nga personalidad nga adunay na’y bituon sa maong lugar, makabaton usab diay siya niini paglabay sa 50 ka mga tuig.
