BUTUAN CITY- Mingsaka na sa 903 ang ihap sa mga kumpirmadong namatay samtang ming-abot na usab sa 4,247 ka-tao ang natalang missing human sa dakong baha nga miigo sa Nepal.
Sumala sa National Disaster Risk Reduction and Management Authority (NDRRMA) sa Nepal, lakip sa libaong nawala ang dul-an 600 ka langyawng turista ug pilgrims, ingon man ang pipila ka miyembro sa security ug government personnel.
Natala ang pinakadaghang namatay ang mga distrito sa Chitwan, Nawalparasi East, Nawalparasi West, ug Nuwakot human gidagitr sa kusog nga pag-awas sa tubig ug lapok ang mga katawhan sa suba sa Bhote Koshi ug Trishuli.
Nagsugod ang trahedya niadtong Agosto 26 human nahugno ang yelo ug bato o glacial collapse duol sa border sa Tibet, nga mingrsulta sa kalit nga pag-awas ug nagdagay-day nga tubig-baha.
Kasamtangan na usab nga nakadeploy ang labing-minus 20,000 ka security personnel sa pakigtimbayayo sa 14 ka military helicopters aron mohimo og air ug ground search-and-rescue operations. Kapin 10,400 ka residente na ang malampusong naluwas gikan sa mga apektadong lugar.
Nahimong nag-unang babag usab sa mga rescuer ang grabeng kadaot sa imprastraktura human maguba ang kapin 25 milya sa nag-unang kalsada, 40 ka suspension bridges, ug pipila ka hydropower installations sa nasud.
