BUTUAN CITY – Pormal nang giproklama isip bag-ong congressional representative sa ika-upat nga Distrito sa Cavite si Dasmariñas City Mayor Jennifer “Jenny” Barzaga, inahan sa gitangtang sa House of Representatives nga si Kiko Barzaga.
Madumdumang gitangtang sa pwesto si Kiko tungod sa dili gika-ingong maayong pamatasan niini sulod sa House of Representatives niadtong Hunyo 2, 2026.
Nakakuha si Barzaga og 201,893 ka mga boto nga maoy pinakadaghan kumpara sa iyang kontra nga si kanhi vice mayor Raul Rex Rosario Mangubat.
Samtang, mopuli kaniya isip mayor sa siyudad ang usa usab niya ka anak nga si Vice Mayor Third Barzaga.
Gipahigayon ang special election kagahapon Sabado, Agosto 29, aron mapun-an ang bakanteng pwesto nga gibiyaan ni Kiko Barzaga.
