BUTUAN CITY- Padayon nga giduso sa Department of Science and Technology (DOST) Caraga ang paggamit og teknolohiya sa food processing isip pama-agi aron mapatas-an ang kantidad sa mga agricultural products ug mapakusgan ang kita sa mga mag-uuma ug lokal nga negosyante.
Sumala ni DOST Caraga Regional Director Engr. Noel Ajoc, importante ang value-adding sa mga produktong agrikultura aron mabaligya kini og mas mahal sama nalang matud pa sa cacao bean nga pwedeng himuong premium chocolate.
Gipasigarbo usab ni Ajoc, nga nag-una ang Caraga Region sa tibuok nasud sa hanay sa Food Innovation Centers kon FICs. Gi-anunsyo usab ang pagbukas og BS Food Technology sa Caraga State University aron matubag ang mingdako nga panginahanglan sa food industry.
Dungan niini, giduso usab sa DOST Caraga ang Smart and Sustainable Communities ug Smart City Roadmap, kansa gilaomang makatabahang sa paghimo og mas daghang livelihood opportunities ug pangkinabuhi-an sa rehiyon
