BUTUAN CITY- Target sa Filipinas women’s national football team nga makahakot og medalya sa 20th Asian Games nga ipahigayon sa Aichi-Nagoya sa susunod nga buwan.
Ang nasangpit nga torneo parte sa pagpangandam alang sa 2027 FIFA Women’s World Cup nga ipahigayon sa Brazil.
Niadtong Hunyo minghimo ang grupo og duha ka tune-up games sa US batok sa San Diego Wave ug Albon San Diego.
Maila nga ang Asian Games mao ang unang torneo kung asa mo-apil ang Filipinas sukad ming-apil kini sa AFC Women’s Asian Cup sa Australia.
Balik na usab sa World Cup ang Filipinas pinaagi sa 2-0 nga kadaogan batok sa Uzbekistan niadtong Marso.
Sigon ni Filipinas coach Mark Torcaso nga ang nasangpit nga sitwasyon usa ka oportunidad matud pa aron mapalapdan ang ilang mga player nga dili makadula sa Asian Games ug parte na usab sa FIFA International window.
