BUTUAN CITY – Mi-abot og 36 minutos ang ruling ni impeachment trial Presiding Officer Chiz Escudero sa online post ni Atty. Virgil Ligutan niadtong Agusto 12 ning tuiga nga mitumbok sa paggamit sa misleading questions atol sa cross examination.
Gihisgutan sa presiding judge ang paggamit sa pipila ka dili maayong mga pulong sa nagpadayong impeachment trial sama sa scam, scammer, ug uban pa.
Sigon ni Escudero, nagpabiling bukas ang impeachment court apan dili matud pa niya pasagdang mahitabo hang ‘trial by publicity’ sa korte, sama na lang sa paggamit sa online platform aron hisgutan ang merito ug uban pang mga impormasyong makutay sa kaso.
Naghatag usab siya og ‘strict warning’ nga dili lang formal warning ang ihatag sa korte kang Ligutan, apil na sa prosecution ug mga defense counsels lakip na sa mga senator-judges sa umalabot kung makalapas sila sa mga gidili atol sa pagdungog sa kaso.
Nagbahad usab sila kanial nga ihunong na ang pag-post og commentary kalabot sa trial, sa bisan unsa mang social media pages.
Pamugos sa senador, ang paggamit sa social media aron magtuki sa mga isyu o kaha kuhaon ang public perception sa gawas sa impeachment court, makadaut sa integridad ug impartiality ng proceedings.
