BUTUAN CITY – Patay ang kanhi World Boxing Organization kon WBO bantamweight ug International Boxing Federation kon IBF junior-bantamweight champion nga si Zolani Tete human siya gipusil sa wala ma-ilhing mga suspek sa Mdantsane, Cape Town, South Africa.
Gipusil si Tete samtang padulong siya sa iyang balay samtang samdan usab ang iyang kauban, samtang dali nga naka-ikyas ang mga suspek.
Ang 38-anyos nga southpaw boxer nakig-away kang John Riel Casimero niadtong Nobyembre 2019 sa England, diin midaog ang Pinoy boxer ug nakakuha sa WBO 118-pound title.
Si Tete aduna’y record nga 29 ka daog ug 4 ka pildi, lakip ang 22 ka knockout kondiin si Casimero lamang ang Pinoy boxer nga nakapildi kaniya.
Lakip sa mga Pinoy boxers nga iyang napildi mao sila Arthur Villanueva, Rexon Flores, Eduard Penerio, Richard Garcia ug Jether Oliva.
