BUTUAN CITY- Mokabat sa 77,235 ka mga bata nga nag-edad og 6 hangtod 59 ka bulan ang nabakunahan sa unang semana sa “Ligtas Tigdas” measles-rubella supplemental immunization activity kon MR-SIA, sa Negros Occidental ug Bacolod City.
Sumala sa Department of Health–Negros Island Region, 67,987 ka bata sa 31 ka lungsod ug munisipyo sa Negros Occidental ang nabakunahan gikan Agosto 10 hangtod 14, o 27.8 porsyento sa 244,757 nga target, samtang 9,248 ka bata sa Bacolod City ang naabot, bugti sa 18.9 porsyento sa target nga 48,839.
Sa tibuok Negros Island Region, mikabat na sa 93,416 ka mga bata ang nakadawat og bakuna gikan sa 437,586 nga target population, apan aduna pay 344,170 ka mga bata nga kinahanglang maabot.
Ang kampanya nga nagpadayon hangtod Agosto 28 nagtumong sa pagpanalipod sa mga bata batok sa measles ug rubella ug paghatag usab og Vitamin A supplementation, samtang mipasalig ang DOH-NIR nga tabangan ug tutokan niini ang mga lokal nga pangagamhanan aron masiguro nga maabot ang mga bata nga wala pa mabakunahan.
