BUTUAN CITY – Gidangop sa Bombo Radyo Butuan ni Erik Sibayan ang nadakpan niyang usa ka sawa o python snake kagahapon sa hapon sa gawas nga bahin sa pinuy-anan sa ilang silingan sa Purok 10, Brgy Baan Km 3 ning siyudad sa Butuan.
Ang sawa gibana-banang tulo ka metros ang gitas-on ug mitimbang og 9.5-kilos. Sa eksklusibong pakighinabi ning sibyahan, gipadayag niining tinguha niyang matugyan ngadto sa Department of Environment and Natural Resources kon DENR ang maong sawa aron mabuhi pa kini ug mahimo ang iyang papel diha sa atong ecosystem.
Dugang pa ni Sibayan, duna’y iyang silingan nga gustong ihawon kini apan tungod kay nasayod siyang supak kini sa balaud, rason nga mas gipili niyang idangop kini sa Bombo Radyo rason nga hingpit na usab kining na-tirn over kagabii ngadto sa usa ka sawa personahe sa DENR.
Dugang pa niya, ang mga sawa, lakip na ang cobra, kabahin sa ecological system ug adunay importante nga papel sa pagmintinar sa balanse sa kinaiyahan.
Samtang gikalipay usab ni Brgy Kagawad Julius Aranas ang pag-turn over sa maong mananap dayong awhag sa katawhan nga ugaling adunay makita nga susama niini, dili kini patyon o ihawon, inay i-turn over gilayon kini sa hingtungdan ahensya sama sa Department of Environmental and Natural Resources kon DENR.
Nasayrang ang Python usa ka genus sa mga bitin nga mopilit sa pamilyang Pythonidae nga lumad sa tropic ug subtropic sa eastern hemisphere.
Ang pangalang Python gisugyot ni François Marie Daudin niadtong 1803 alang sa mga bitin nga dili makahilo. Sa pagkakaron, 10 ka espisye sa Python ang giila nga valid taxa.
