BUTUAN CITY – Nakatala og 43°C nga heat index ang Butuan City karong Adlawa, August 15, base na sa Heat Index Advisory sa Department of Science and Technology-Philippine Atmospheric Geophysical and Astronomical Services Administration DOST-PAGASA nga gipagawas usab sa City Disaster Risk Reduction Management Department kon CDRRMD Butuan.
Sa maong lebel, kini nagpasabot nga posibleng masinati ang heat cramps, heat exhaustion, ug kung pasagdan, mahimo kining mosangpot sa heat stroke.
Tungod niini, nagpagawas ang CDRRMD Butuan ug mga safety tips aron malikay sa kadaut sa panglawas tungod sa init nga panahon.
Kung makasinati og paglipong-lipong, pag-lisod og ginhawa, pangpamugnaw ug pagkakuyap, tawag sa CDRRMD Operation Center dayon para sa emergency intervention ug dali nga pagresponde.
