BUTUAN CITY – Gipasabot ni House prosecution spokesperson Rep Zia Alonto-Adiong nga ilang gipalagan ang paggamit sa Office of the Vice President kon OVP sa confidential fund alang lang sa surveillance nga katuyuan ingon man pag-augment sa mga galastuhan nga gi-require sa Vice Presidential Security and Protection Group kon VSPG kansa mao ang security unit alang sa Bise Presidente.
Sa eksklusibong pakighinabi sa Bombo Radyo Mindanao area, gipadayag sa kongresista nga ang confidential funds, kwarta sa gobyerno nga dili angayang gamiton sa confidential/security-related operations.
Kini matud pa ang rason nga atol sa impeachment trial, gisusi sa prosecution ang mga dokumento, acknowledgment receipts, liquidation reports ug mga tawo nga gi-ingong nakadawat o nagdumala sa maong pondo. Apil sa ilang gipangutana mao kung kinsa gyud ang nagdumala ug nakabenepisyo sa kwarta, ug kung tinuod ba ang mga transaksyon nga gipakita sa liquidation.
Kini usab matud pa ang rason nga kung VSPG o security personnel ang gihisgutan, posible nga konektado sila sa security arrangements, custody, disbursement, o paggamit sa confidential funds kondiin kinahanglang tan-awon ang insaktong testimoniya o dokumento aron mahibal-an kung unsa gayud ang papel sa VSPG sa maong alegasyon.
