BUTUAN CITY- Gipadayag sa ika-14 nga adlaw sa impeachment trial ni Vice President Sara Duterte ang mga dokumento ug kalihokan nga giingong gipondohan gamit ang confidential funds sa Office of the Vice President (OVP) niadtong Disyembre 2022, lakip ang mga appreciation ug Christmas activities, tree planting, medical missions ug pag-apod-apod og wheelchairs.
Sa iyang testimonya, sigon ni COA-ICFAO supervising auditor Xylene Mae Del Campo nga gihimo ang 105 ka kalihokan gikan Disyembre 13 hangtod 31, 2022, bisan pa nga ang cash advance alang sa maong confidential funds gipagawas lamang niadtong Disyembre 21. Sumala sa testigo, dili mahimong gamiton ang confidential funds sa pag-reimburse sa mga gasto nga nahimo sa wala pa ang petsa sa cash advance, base sa mga lagda sa COA.
Gipahayag usab ni Del Campo nga giila sa COA nga liable o accountable si Duterte ug tulo pa ka opisyal sa P375 milyon nga disallowed confidential funds, lakip si Gina Acosta, Chief Accountant Julieta Villadelrey ug Col. Raymund Dante Lachica, tungod sa ilang mga pirma, pagproseso, pag-certify ug pagdawat sa cash advances.
