BUTUAN CITY- Malipayong gipa-ambit sa veteran aktres nga si Lorna Tolentino ang pagka Philippine Navy Reservist niini.
Sa iyang social media account nagpost kini og mga hulagway samtang nagsul-ob og uniporme sa Philippine Navy.
Makita sa mga hulagway ang graduation niini niadtong Agosto 7 sa Taguig City.
Kauban niini ang iyang anak nga si Rap Fernandez ug pipila sa iyang mahal sa kinabuhi.
Kini adunay caption nga disiplina pili-on bisan lisud.
Pipila sa mga hagit niini mao ang pagbansay sa Cavite kung asa mingsakit ang iyang likod sa pagsakay sa baruto.
Mingbaha usab og pagdayeg gikan sa mga kaubanan niini sa showbiz ug pipila sa mga suod nga higala.
Lakip sa showbiz personalities nga Philippine Navy Reservist mao sila Christopher De Leon, Dingdong Dantes, Roco Naccino, Winwyn Marquez, Carlos Yulo, Arci Muños ug uban pa.
