BUTUAN CITY- Padayon nga gibantayan sa mga awtoridad ang Bagyong Dolphin, nga kasamtangang anaa gawas sa Philippine Area of Responsibility (PAR) apan duol sa amihanang bahin sa nasud.
Nasigpatan kini sa gilay-ong 825 kilometro amihanan-sidlakan sa extreme Northern Luzon. Aduna kini maximum sustained winds nga 150 km/h duol sa sentro ug paghuros nga mo-abot og 185 km/h, samtang naglihok kini pa-west-southwestward sa gikusgon nga 15 km/h.
Bisan paman nga anaa gawas sa PAR, gilaomang magpadayon ang epekto sa bagyo pinaagi sa pagkusog sa Habagat, nga magdala og ulan sa dakong parte sa Luzon ug Visayas. Gipahimangnpan ang mga residente nga mag-igmat sa posibleng pagbaha ug landslide.
Samtang, gawas sa Bagyong Dolphin, adunay usa pa ka tropical cyclone nga kasamtangang anaa sa gilay-on nga 3,055 kilometro sidlakang extreme Northern Luzon.
Aduna kini maximum sustained winds nga 45 km/h ug paghuros nga 55 km/h, samtang minglihok pa-eastward sa gikusgon nga 50 km/h. Bisan paman nga layo pa sa teritoryo sa Pilipinas, padayon kining gibantayan sa state weather bureau tungod posible usan kining maka-apekto sa kahimtang sa panahon sa mga sunod nga adlaw.
