BUTUAN CITY – Giklaro ni Impeachment court presiding judge Chiz Escudero nga wala’y conflict of interest ang pagdalikyat ni defense counsel Michael Poa kagahapon sa Commission on Audit kon COA.
Subay kini sa pag-angkon ni Atty Poa atol sa iyang pag-cross examine kang prosecution witness ug kanhi Commission on Audit (COA) auditor Atty Roderick Wamil, nga midalikyat siya sa COA aron susihon kung tinuod ba ang testimoniya niini ning mi-aging adlaw nga si Vice President Sara Duterte lang ang besi presidente sa nasud nga duna’y confidential fund.
Sa pagbukas sa ika-trese ka adlaw nga impeachment trial, nangayo og katin-awan si Senator-Judge Raffy Tulfo kung wala ba’y kalapasan sa balaud ang gihimo sa maong defense counsel.
Dinhi na giklaro ni presiding officer Escudero nga wala’y conflict of interest ang gihimo ni Poa tungod kay dili siya ang respondent sa kaso, gawas pa nga siya usab ang usa sa mga abogado ni Vice President Sara Duterte nga maoy respondent sa article 1 sa impeachment complaint kansa mao ang betrayal of public trust.
