BUTUAN CITY- Nagtuo si House Prosecutor, Rep. Lorenz Defensor nga ang wala paghisgot ni President Ferdinand Marcos Jr. sa impeachment trial ni Vice President Sara Duterte sa iyang ika-lima nga State of the Nation Address nagpakita og walay pagpangilabot sa Presdiente sa ming-uswag nga trial.
Sigon ni Defensor, ang nahimong pamahayag ni President Marcos isip tubag sa November 2024 Zoom Press Conference ni VP Sara kung asa gihimo sa ikaduhang presidente ang pagpanghulga sa kinabuhi niini.
Dili na matud pa kinahanglang hisgutan ni President Marcos sa iyang public speeches sa Ulat sa Bayan, ang iyang opinion sa nagpadayon nga impeachment proceedings, aron dili na kini masagulan pa og pamukitika.
Sa kampo sa House Prosecution panel, dili matud pa importante kung suportado sa pangulo o dili ang pag-usig kang VP Sara, tungod buo ang desisyon sa panel nga hisgutan ug taralon ang Bise Presidente sa daw nahimo niining mga impeachable offense.
Samtang, gusto usab sa magbabalaod nga usa sa mga nagsilbing prosecutor, nga sulod sa gamay nga panahpon mahuman na ang impeachment trial batok sa ikaduhang Presidente.
Mas maayo matud pa nga klaro ug simple lang ang presentasyon sa mga ebidensiya ug testimoniya sa mga witness aron mas dali nga masabtan sa publiko ug sa mga senator-judge.
Sa pikas bahin, gibarugan usab ni Rep. Defensor nga kinahanglang mahatagan og igo nga panahon o patas nga tyansa ang mga kauban niining magbabalaod nga nakasuhan tungod sa flood control scandal.
