BUTUAN CITY – Gipahibalo sa mga Ceuta authorities nga labing menos siyam ka nga tawo ang namatay human misulod ang dakong panon sa mga migrante ngadto sa North African Spanish enclave gikan sa Morocco.
Sumala sa gobyerno sa Ceuta, mi-abot tali sa 1,500 hangtod 2,000 ka mga tawo ang nakasulod sulod sa napulo ka adlaw, ug gatusan pa ang mi-abot hangtud sa pagkutlo niini nga balita.
Tungod niini, nagdeklara na si Regional President Jesus Vivas “absolute humanitarian and social emergency” ug mihangyo sa Madrid nga magpadala og tropa aron ibalik ang control sa border.
Apan gibalibaran sa Interior Ministry sa Spain ang pagdeklara og national emergency, kay dili kini matud pa sila ma-cover sa migration crises, apan misaad nga maghatag og dugang nga resources. Human niini, gipahibalo sa Interior Ministry nga ang armed forces magpadala og 60 ka tropa aron lig-onon ang border.
