BUTUAN CITY – Na-uso na karon sa pipila ka mga estado sa Amerika ang goat yoga kon pag-yoga uban sa gagmay nga mga kanding nga maglibot-libot sa mga partisipante samtang sila nagpraktis sa nagkalain-laing yoga poses.
Sa kasagaran, ang mga kanding pasagdan lang nga mosaka sa likod, abaga, o magdula sa mga nag-yoga, nga makadugang sa kalipay ug makapahupay sa stress.
Nagsugod kini sa Estados Unidos ug mikaylap sa ubang mga nasud isip usa ka wellness activity nga naghi-usa sa ehersisyo, pagpahayahay, ug animal interaction.
Daghang tawo ang moapil niini dili lamang alang sa pisikal nga benepisyo sa yoga, kondili usab aron makasinati og makalingaw ug relaks nga kasinatian uban sa mga kanding.
Ha-um kaayo kini alang niadtong mga ma-stress ilabina kung musaka na ang mga kanding sa imong likod o kaha abag samtang mag-pose ka tungod kay ang tuyo niini mao ang paghimo sa yoga nga mas lingaw ug makapawala sa stress.
Daghang mga tawo ang ganahang mu-apil dili tungod kay seryoso silang yogi, kundili tungod kay maka-relax kini alang kanila ilabina nga makalingaw ang interaction sa mga kanding, klik usab kining pang-post sa social media ug maka-ayo sa mood ang animal interaction.
