BUTUAN CITY – Mi-abot sa 32 ka mga minero ang patay human sa pagbusikad nga mi-igo sa coal mine sa Sorange, Balochistan province, Pakistan nga gitu-uhang tungod sa pagtigum sa methane gas.
Sumala sa Provincial Disaster Management Authority, 29 ka mga patay’ng lawas ang nakuha ug tulo pa ang nakit-an sulod sa minahan nga gipaningkamutan pang makuha.
Padayon usab ang pagpangita sa mga na-trap nga minero bisan kapin na sa 12 ka oras ang nilabay, kondiin gamay na lang ang posibilidad nga adunay maluwas.
Sigon ni Muhammad Atif, chief inspector of mines sa probinsya, adunay 36 ka mga minero sulod sa minahan dihang nahitabo ang pagbusikad samtang gipadayag usab ni Abdul Ghani Baloch, usa ka senior mining official, nga duha ka minahan nga nagtapad ang nadaot tungod sa kusog nga pagbusikad.
