BUTUAN CITY- Pormal nang gipahibalo sa Venezuela sa United Nations ang ilang desisyon nga hingpit nang mokalas sa International Criminal Court (ICC), nga daw adunay “geographical bias” batok sa mga nasud nga Global South, partikular sa Africa ug Latin America.
Sumala ni Foreign Minister Felix Plasencia, ang lakang “irrevocable” ug parte sa pagsupak sa panggamhanan sa imbestigasyon sa ICC kalabot sa mga krimen batok sa katawhan sa gi-ingong gihimo sa mga opisyal ug kasapi sa militar sa Venezuela sukad pa niadtong 2017.
Sigon ni Acting President Delcy Rodriguez nga ang ICC nahimong politikal nga instrumento aron atakehon ang estado ug katawhang Venezuelan, hinungdan nga wala na sila mingsalig sa maong institusyon.
Kahinumduman niadtong Disyembre 2025, mingboto ang National Assembly sa Venezuela nga bawi-on ang balaod nga nagratipika sa Rome Statute, kansa naghatag og dalan sa pormal nga pag-hawa sa ICC.
Dungan sa desisyon, gitanggal usab sa mga miyembrong estado sa ICC si Prosecutor Karim Khan human gi-akusahan og sexual misconduct, butang nga gilimod usab niini.
Ang pagbuhi sa Venezuela sa ICC nahitabi taliwa sa tensyon pampulitika human matang-tang sa gahom si Nicolas Maduro, ug ubos sa liderato ni Rodriguez nga duol nga ka-alyado sa administrasyong Trump.
