BUTUAN CITY – Gi-anunsyo ni United States President Donald Trump nga duna na’y nakab-ot nga kasabutan ang Board of Peace alang sa hingpit nga pagdis-arma sa militanteng grupong Hamas sa Gaza ug uban pang armadong grupo.
Usa ka senior nga opisyal sa Hamas ang nagsulti nga misugot sila sa plano sa Board of Peace nga hingpit nga mag-disarma sa Gaza ug magpagawas og opisyal nga pamahayag sa dili madugay samtang ang Israel wala pa’y komento.
Sigon ni Trump, ang Israel mulikay gikan sa Gaza kung mahuman na ang pagdis-arma ug gitawag ang kasabotan nga kritikal nga lakang padulong sa Gaza nga sa katapusan dumalahon sa bag-ong Palestinian government.
Ang ikaduhang hugna sa US-brokered Gaza ceasefire plan naglakip sa pagdis-arma sa Hamas ug ang International Stabilization Force magtinabangay sa bag-ong Palestinian police force aron masiguro nga ang Gaza luwas alang sa mga residente ug silingan niini ingon man, masiguro ang pag-reconstruct sa Gaza.
Sa iyang post sa Truth Social, gibutyag ni Trump nga usa kini ka dakong milestone sa pagpatuman sa Trump 20-Point Plan nga ipatuman pinaagi sa maayong pagkahan-ay nga mga hugna.
Nagpasalamat usab siya sa mga mediators nga Egypt, Qatar, ug Turkey.
Nasayrang ang Cairo maoy mag-host og miting sa mga mediators sa Gaza bahin sa ikaduhang hugna sa ceasefire plan.
