BUTUAN CITY – Mi-atubang sa pagdungog sa Senate Committee on Health and Demography nga gipanguluhan ni Sen. Risa Hontiveros si Butuan District Lone Representative Jose ‘Joeboy’ Aquino II kondiin gihisgutan ang House Bill No. 8470, ang balaodnong nagtinguhang ma-upgrade ang Butuan Medical Center ngadto sa pagka-Level III hospital.
Mitambong usab sa maong senate hearing ang mga resource persons sila Butuan City Councilor Theodore Gabriel Salcedo, City Administrator Atty. Joseph Ian Sabado, kanhi Councilor Cherry Mae Busa, ug JM Alviar kondiin ilang gipadayag ang ilang suporta sa maong balaudnon.
Sa iyang pagpamulong, gipadayag sa kongresista nga higayong mahimo nang hingpit nga balaod, mapalambo niini ang access sa de kalidad nga health care dili lamang sa mga pasyente sa dakbayan sa Butuan kondili apil na sa tibook Caraga region, rason nga pagpangayo niya og suporta niini gikan sa mga senador nga membro sa maong komite.
