BUTUAN CITY- Nagsira sa negatibong teritoryo ang Philippine Stock Exchange Index kon PSEi ug ang piso batok sa US dollar niadtong Huwebes, samtang nagpadayon ang paghulat sa mga mamumuhunan sa posibleng epekto sa ikalimang State of the Nation Address kon SONA ni President Ferdinand Marcos Jr. ug sa desisyon sa US Federal Reserve nga ipadayon sa kasamtangang lebel ang interest rates.
Minghuyang ang PSEi og 0.74 porsiyento ngadto sa 6,305.75 puntos, samtang ang piso mikunhod ngadto sa 61.56 batok sa dolyar gikan sa 61.41 sa miaging adlaw.
Sumala sa mga market analyst, nagpabiling mabinantayon ang mga mamumuhunan samtang gisusi ang mga polisiya sa gobyerno, ilabina sa sektor sa enerhiya, ug ang epekto sa padayon nga pagtaas sainterest rates sa Estados Unidos.
