BUTUAN CITY- Gikumperma ni Japan Prime Minister Sanae Takaichi nga ming-abot na sa 30 ang ihap sa mga indibidwal nga namatay sa kusog nga 6.8 nga linog nga ming-igo sa southwestern Japan.
Kalabot niini, padayon gihapon ang mga rescuers sa pagpangita sa mga survivor sa linog nga ming-igo sa Kumamoto prefecture sa Kyushu island niadtong Martes, Hulyo 28.
Kadaghanan sa mga biktima mga Hapon ug usa ka Vietnamese citizen samtang adunay 62 pa ka mga indibidwal ang naka-angkon og injuries.
Pipila sa mga namatay nagtrabaho sa Aeon shopping centre sa Kashima, kansa nahugno ang pipila ka parte ug gisundan sa pagbusikad usa ka oras human ming-igo ang linog ug kadaot sa mall.
Sigon sa presidente sa shopping center, posibleng gas explosion kini apan kasamtangan pang gi-imbestigahan ang hinungdan sa pagbusikad.
Anaa sa 9,000 ka residente usab ang na-displace, gibakwit ug kasamtangang nagmintinar sa evacuation centers, bisan paman hagit gihapon sa mga niini ang init nga panahon karun sa rehiyon.
Aduna usab kapin 30,000 ka households ang nawad-an og kuryente niadtong Miyerkules dungan sa linog.
Nakatala na usab og 100 ka aftershocks sukad ming-igo ang main quake.
