-- ADVERTISEMENT --
BUTUAN CITY – Padayon ang pag-abot abot sa mga hinabang ngadto sa mga lugar sa Japan nga nagrabihan sa magnitude 7.1 nga linog nga mikalas na karon og 14 k mga tawo.
Sa eksklusibong pakighinabi sa Bombo Radyo Butuan, gipadayag sa Davaoweño nga si Sai Nasu, direkta didto sa Japan, padayon usab ang gilusad nga search and rescue operations sa mga tawong gitu-uhang natabunan sa mga tipaka sa nahugnong mall ug ubang dakbalay.
Ang init sa panahon karon sa maong nasud, dakong tabang matud pa aron mapaspasan ang operasyon alang sa pagluwas sa mga posible pang survivors sa maong linog.
Gani sa pagkutlo niini nga balita, nagpabilin pa sa mga evacuation centers ang gipahikling sa gobyerno aron masiguro ang ilang kaluwasan.
