BUTUAN CITY- Dako ang kalipay nga nabati sa Department of Environmental and Natural Resources kon DENR Regional Office sa ilang gipahigayong Permitting on Wheels human wala nila damha ang pagdasa sa katawhan sa maong aktibidad nga gipahigayon niadtong Hulyo 27 ug 28, 2026 sa may Robinsons Place Butuan.
Sumala ni Nelson Caranzo, Community Environment and Natural Resources Office kon CENRO sa Nasipit Agusan del Norte, nga dakong kalipay human minglapas sa ilang gipaabot nga partisipasyon gikan sa publiko.
Gani, wala usab nila damha nga daghan kaayo ang motambong aron makakuha og nagkalain-laing serbisyo ug permit gikan sa ahensya. Gi-ila usab niini ang dakong tabang sa pagpalapnag sa impormasyon pinaagi sa Bombo Radyo Butuan nga nakatabang aron mas daghan ang mahibalo ug maka-avail sa maong serbisyo.
Sumala ni Caranzo, milapas sa ilang target ang gidaghanon sa mga mingtambong tungod mingdoble ang ilang nakita nga serbisyo nga gikuha sa mga katawhan kumpara sa ilang unang gilauman, ilabi na sa pagkuha og mga rehistro ug permit ubos sa DENR.
Pagkalro pa ni Caranzo, ang Permitting on Wheels regular na sa DENR, diin monthly kini nga ipahigayon sa tibuok Caraga region. Gani sa duha ka adlaw nga kalihikan adunay na record nga 44 ka mga nagparehistro sa ilang Chainsaw, 27 sa landstatus certification, transfer document 65 kabuok ug Cutting permit for public safety adunay 1.
Dugang pa niini, nga tungod humana sa Butuan City target na usab karun sa DENR regional Office nga mopahigayon sunod bulan og Permitting on Wheels sa Surigao del Sur.
