BUTUAN CITY- Mag-andam ang mga pageant fans sa Pilipinas alang sa usa ka-taas nga adlaw sa Nobyembre 25, tungod halos magkasunod nga ipahigayon ang coronation night sa Miss Universe ug Miss International.
Sumala sa Miss Universe Organization, ang ika-75 nga edisyon sa Miss Universe himuon sa Nobyembre 24 sa Puerto Rico, apan tungod sa kalainan sa oras, matan-aw kini sa Pilipinas sa buntag sa Nobyembre 25.
Sa mao gihapong adlaw, ipahigayon usab sa Tokyo, Japan ang finals sa Miss International 2026, nga maoy unang higayon nga ang duha ka dagkong international beauty pageants magkasunod og finals sulod lamang sa pipila ka oras.
Gikumpirma usab ang iskedyul sa ubang kalihokan sa Miss Universe, lakip ang National Costume Show sa Nobyembre 21 ug ang preliminary competition sa Nobyembre 22.
Si Bea Millan-Windorski maoy representante sa Pilipinas sa Miss Universe nga nagtinguha sa ikalimang korona sa nasod, samtang si Katrina Anne Johnson mopas-an sa bandera sa Pilipinas sa Miss International aron makuha ang ikapitong titulo alang sa nasod.
