BUTUAN CITY – Kapin sa 200,000 ka mga tawo ang pugsanong gipapahawa sa nagpadayong dakong wildfire sa habagatang-kasadpang bahin sa France ug nakaabot na usab sa pipila ka lugar sa Espanya.
Sumala sa mga otoridad sa France, kapin sa 141,000 ka mga residente ug turista ang gihikling gikan sa mga rehiyon sa Gironde ug Landes.
Apil sa labing apektado nga lugar ang peninsula sa Cap Ferret, diin napugos ang mga tawo sa pag-ikyas gamit ang bangka ug sakyanan tungod sa paspas nga pagkaylap sa kalayo ug grabe nga aso.
Tungod sa kusog nga hangin ug heatwave, dali nga mikaylap ang kalayo sa mga baryo, campsite, ug komunidad.
Nagpadala na ang gobyerno og gatusang mga bombero, water-bombing planes, ug mga sundalo aron mosuporta sa operasyon.
Nangayo na usab og tabang ang France sa European Union aron makakuha og dugang nga ekipo ug pwersa, samtang padayon nga gibantayan ang rehiyon aron malikayan nga muduol ang sunog sa daghang tawo nga lugar sama sa syudad sa Bordeaux.
