BUTUAN CITY- Gipahibalo ni Agriculture Secretary Francisco Tiu Laurel Jr. ang duha ka lakang aron matabangan ang mga mag-uuma nga makabaton og mas dako nga kita gikan sa ilang ani.
Sigon ni Tiu Laurel, iyang gimandoan ang National Food Authority o NFA nga tas-an ang minimum buying price sa wet palay gikan sa P17 ngadto sa P21 kada kilo sugod sa umaabot nga ting-ani sa Septyembre. Tumong niini nga matabangan ang mga mag-uuma sa pagsaka sa gasto sa abono ug uban pang panginahanglanon sa pagpanguma.
Gimandoan usab ni Tiu Laurel ang temporaryong pagpahunong sa pagsulod sa rice imports sa Iloilo gikan sa tunga-tunga sa Septyembre hangtod sa katapusan sa Nobyembre aron malikayan nga makab-ot ang imported nga bugas panahon sa peak harvest.
Gipasabot sa opisyal nga lakang kini aron masiguro nga makakuha og hustong kita ang mga mag-uuma gikan sa ilang paningkamot.
