BUTUAN CITY – Kampante ang mga taga-Argentina nga madepensahan sa ilang national football team ang kampyunato sa world cup human sila nakasulod sa finals alang sa FIFA World Cup 2026.
Mixed emotions karon ang tanang mga Argentinians apil na ang mga Filipinos nga atua na nagtrabaho ug nagpuyo sa Argentina sa maong kada-ugan.
Sa eksklusibong pakighinabi sa Bombo Radyo Butuan, gipadayag ni Bombo international correspondent to Argentina Jackielyn Felix nga siento-porsiento sa katawhan sa Argentina ang nalipay ug excited nang musaksi sa final match tali sa Spain karong Dominggo.
Sa pagdaug matud pa sa ilang football team kagahapon, nagtapok gilayon sa kadalanan ang tanan suot ang uniform sa ilang favorite player samtang gisa-ulog ang maong kada-ugan.
Nasayrang tungod sa katapusang kada-ugan sa Argentina, ang tanang probinsya sa maong nasud, nagpiyesta tungod sa panagtapok sa kadalanan ug maggaksanay bisan og dili managka-ila.
Karon pa lang, plano na nilang magtapok-tapok para sa final match karong Dominggo uban sa lutuon nga mga pagkaon sama sa barbecue aron maoy saw-an samtang mutan-aw sa dula.
