BUTUAN CITY – Dul-an sa 1,000 ka mga tricycle ug motorela for hire drivers ang nakadawat sa one time fuel subsidy gikan sa lokal nga kagamhanan nga dakong tabang sa ilang panginabuhian labina nga padayon ang pagsaka sa presyo sa gasolina.
Sa wala pa ang paghatag sa ayuda, mipirma og Memorandum of Agreement ang City Government of Butuan uban sa upat ka partner fuel providers aron ipatuman ang programa.
Gipangulohan ni City Mayor Law Fortun ang MOA signing uban ni Butuan City Transportation and Traffic Management Department Head Maria Kristina Cassion, mga representante sa gasolinahan ug mga transport cooperatives ug uban pang stakeholders.
Ang matag-rehistradong tricycle ug motorela for hire unit nga sakop sa kooperatiba o korporasyon, nakadawat og fuel voucher nga magamit sa mga partner fuel stations.
Aron makuha ang subsidy, ipresentar lamang sa mga drayber ang maong voucher sa fuel stations nga gitakda para sa ilang ruta.
