BUTUAN CITY- Nag-atubang karon ang kapin sa katunga sa US states sa usa ka dakong pagsa sa kaso sa cyclosporiasis, usa ka sakit sa tinai nga resulta sa microscopic parasite nga makuha pinaagi sa pagkaon o tubig nga kontaminado.
Sumala sa Centers for Disease Control and Prevention kon CDC, dul-an sa 7,000 ka kumpirmado ug gidudahang kaso ang natala sa 34 ka estado, diin ang kadaghanan anaa sa Michigan.
Ang maong sakit kasagarang makuha pinaagi sa preskong prutas ug utanon nga wala matarong og hugas o luto, ug mahimong hinungdan sa grabe nga kalibanga, pagkawala sa gana sa pagkaon, hilanat ug pagsuka, samtang posible usab ang pagbalik sa sintomas bisan og naayo na.
Gani, sa pagkakaron napadayon ang imbestigasyon sa tinubdan sa outbreak, lakip na ang posibleng kontaminasyon sa lettuce ug salad, samtang giimbestigahan usab ang fast-food chain nga Taco Bell.
Samtang misaka ang mga kaso sukad niadtong Mayo, mibalik usab ang kritisismo batok sa miaging pagkunhod sa mga health expert sa federal nga mga ahensya, nga giingong nakaapekto sa pagmonitor sa mga food-borne diseases.
