BUTUAN CITY- Misamot na usab ang aktibidad sa usa sa pinaka-aktibong bulkan sa Pilipinas, ang Mayon Volcano.
Sumala sa pamahayag sa PHIVOLCS, nakuhaan og camera footages gikan sa RasPiCam sa Mayon Volcano Observatory ang Strombolian activity ug lava effusion sa summit crater sa Bulkang Mayon kaganiha sa kadlawon, 14 Hulyo 2026.
Ang mga aktibidad natala sa mga oras nga 12:15 AM, 12:36 AM, 3:12 AM, ug 4:08 AM.
Padayon usab ang effusive eruption sa bulkan sulod sa dul-an 200 ka magkasunod nga adlaw, kansa nagbuga og incandescent lava flows ug rock falls gikan sa crater.
Nagpabiling gi-isa sa Alert Level 3 ang palibot sa Mayon, diin nagpasabot nga adunay padayon nga mas taas nga posibilidad sa dugang pagbuto.
Tungod niini, hugot nga gibawal ang pagpasulod sulod sa 6-kilometer Permanent Danger Zone (PDZ).
Mipasidaan ang PHIVOLCS nga ang mga residente ug turista kinahanglang molikay sa maong lugar tungod sa risgo sa kalit nga pagbuto, pagkahugno sa bato, ug pag-awas sa lava.
Ang mga lokal nga panggamhanan gipahimangnuan usab nga magpabiling andam ug ipatuman ang mga gikinahanglang lakang sa kaluwasan.
Ang padayon nga aktibidad sa Bulkang Mayon mao ang usa sa pinakataas nga effusive eruption nga natala sa kasaysayan sa bulkan, nga nagpamatuod na usab sa pagka-aktibo niini ug sa panginahanaglang hugot nga pagbantay.
